Síndrome CTNNB1 - Alejandra B. Tojo

A escolla dun tema de interese e que á vez fose adaptable para realizar unha primeira infografia resultoume complicado. Pois nun principio o ámbito que ía escoller era completamente distinto, quería centrarme na memoria histórica, mais fun consciente de que era difícil de adaptar e optei por cambiar de ámbito. Finalmente decidín centrarme nunha enfermidade rara moi pouco coñecida e con poucos doentes, a Síndrome CTNNB1.

O primeiro paso foi decidir os puntos chave que pretendía plasmar na infografía: definición, persoas afectadas, síntomas, detección, como afecta e o tratamento.

Sendo consciente de que ás veces o ámbito da saúde resulta complexo de entender, optei por empregar moitos elementos gráficos, para que cun golpe de vista se entendese que trataba cada apartado.

As cores empregadas foron o verde e o azul, unhas tonalidades claras. O verde simboliza a saúde, mentres que o azul está relacionado coa calma e confianza.

O aproveitamento do espazo foi un dos obstáculos cos que me atopei, entón tiven que redistribuír os elementos da infografía para garantir unha harmonía visual.

Ao tratarse dun tema tan formal, a firma resultou sobria, mais acorde co resto da peza.