Que setas podo recoller en Galicia?

JORGE NOYA BOTANA / Práctica 1

Para a primeira infografía, optei por ilustrar o camiño dunha ruta micolóxica. O obxectivo é mostrar algunhas das setas máis comúns que podemos atopar en Galicia e dividinas en dous grupos: por un lado, as que son aptas para o consumo; e por outro, as que son tóxicas. Ademais, decidín incluir unha pequena cápsula de información sobre como actuar en caso de intoxicación, segundo as indicacións do Servizo Galego de Saúde (SERGAS).

O maior reto foi elaborar visualmente o camiño, tratando de cubrir o espazo coa información sen deixar grandes vacíos, pero evitando a saturación. Tamén foi algo complicado atopar imaxes nas que aparecese un único exemplar e que se adecuase ao deseño da infografía. E en canto á información escrita, o reto foi escoller aqueles aspectos da descrición do cogomelo que puidesen resultar máis útiles en canto á identificación dos mesmos.

Outro dos aspectos importantes desta práctica foi a escolla da cor. Ao tratarse dunha información relacionada coa natureza, optei polo verde. E para resaltar a información, polo laranxa e polo vermello, cores que se complementan ben co fondo e que permiten dividir os datos en dous bloques diferenciados: os cogomelos aptos para o consumo e os tóxicos, idea esta última reforzada co icono da caveira.