Onde se situaron as carreiras de Fórmula 1 nesta tempada?

Lucía Campos González

O calendario do Mundial de Fórmula 1 2023 está composto por 23 Grandes Premios. A tempada deu comezo o 5 de marzo, en Bahréin, e finalizou o 26 de novembro en Abu Dhabi.

Aquí atoparás información sobre cada un deles: todos os circuítos do Mundial, a súa localización, cando se disputaron, os mellores momentos e, por suposto, os resultados de cada cita. Todo isto organizado segundo a tipoloxía de cada cada pista!

Pero, ¿como se diferencian?

• En primeiro lugar, os circuítos permanentes ou autódromos. Estes son aquelas pistas construídas especificamente para que se disputen carreiras.

• En segundo lugar, os semipermanentes ou híbridos, que empregan unha zona urbana e outra deseñada para funcionar como pista de carreira.

• E por último, os circuítos temporais ou urbanos. Son aqueles nos que se adaptan as rúas dunha cidade unicamente para que se poida disputar a carreira durante un tempo determinado.

En canto a realización da práctica, a primeira dificultade coa que me atopei foi a organización e escolla dos datos. Aínda que o número de localizacións estaba predeterminado pola temática elixida (23 circuítos), o tipo de información a ofrecer e como organizala podía variar segundo o que se quixera mostrar. Finalmente decidín ofrecer un resumo sinxelo para que calquera, aficionado ou non, tivese un acceso rápido a cada circuíto.

A segunda complicación que se me presentou foi a realización das imaxes que aparecen en cada xanela emerxente. Decidín que algo representativo era o trazado do circuíto, polo que empreguei a aplicación Canva para darlles a todos eles o mesmo deseño, xa que na web cada un tiña o seu propio estilo e quería que mantivesen unha mesma liña para darlle coherencia ao resultado final.

Por outra banda, sinalar a elección das cores. Aínda que, a prioiri, un mapa vermello pode resultar diferente ao habitual, creo que se adapta á temática e que consegue chamar a atención de quen estea facendo scroll nun artigo ou páxina web. Intentei que todas as cores empregadas (vermello, negro e branco) complementaran o imaxinario que todos temos ao pensar na Fórmula 1. Para que a cor do trofeo dos circuítos temporais destacara busquei a cor complementaria do tono exacto da cor vermella (#e1350b).

A pesar de que se trata dun traballo tedioso, gustoume moito facer esta práctica e aprender a manexar Flourish para vindeiros traballos xornalísticos.