Lugove: buses circulares do Val Miñor

Esta infografía trata de ilustrar, de xeito esquemático e simplificado, unha sorte de tres liñas circulares de transporte urbano que corresponden aos tres concellos que conforman a comarca do Val Miñor: Nigrán Gondomar e Baiona. A proposta consiste no desglose da ruta das citadas liñas, onde se sinala cada parroquia onde o suposto autobús ficticio fai parada e o tempo aproximado que tarda en chegar a cada unha.

Dado que son liñas circulares, é dicir, que fai dúas veces o percorrido en cada viaxe, o deseño polo que optei foi polo formato vertical (a modo de mapa de metro) para poder optimizar o espazo e usar unha mesma liña para a ida que para a volta, pero indicando os sentidos con frechas. Nun principio ía usar unha orientación apaisada para a infografía pero, despois de darlle un par de voltas, elixín o formato vertical polo dinamismo do que dotaba á peza.

En canto ao eido máis visual, as cores elixidas son as corporativas da UTE Lugove, que é a empresa (real) que leva o tema dos buses no Val Miñor e Baixo Miño. Intentei que fose o máis minimalista posible neste aspecto para que todo se amosase de xeito eficaz.