Intolerancia á lactosa

LUCÍA CAMPOS GONZÁLEZ / PRÁCTICA 1

Nesta primeira achega á infografía as posibilidades de creación eran múltiples, polo que considerei que se trataba da ocasión perfecta para incluir ilustracións propias que complementaran a información e que axudaran a entender a intolerancia á lactosa. Ademais, a temática é algo que me afecta persoalmente e que nin eu mesma coñecía todos os condicionantes e pensei que podería ser interesante achegar estes datos dunha condición cada vez máis común dun xeito claro e visual.

O maior reto ao que me enfrontei foi a selección da información, xa que esta era complexa e extensa. Explicar unha condición médica non é unha tarefa sinxela e antes de poder resumir eses datos débese comprender. Decidín empregar cores que se asemellaran aos produtos "sen lactosa", xa que a maioría destes son brancos, morados e azuis.