Galicia en escena: cartografía audiovisual

Para esta práctica decidín facer un mapa que incluíse algunhas das películas e series, tanto nacionais como internacionais, rodadas en Galicia. Escollín este tema xa que era unha idea que tiña desde hai bastante tempo e paréceme un contido atractivo e curioso. Eu mesma descubrín películas e series que non coñecía ou que non sabía que se gravaran en Galicia.

Cada produto audiovisual está representado cun símbolo correspondente: para as películas escollín unha cinta e para as series unha televisión. Cada despregable contén información sobre cada título: cartel, dirección, unha pequena descrición e a localización da rodaxe.

Con respecto a Flourish, penso que é unha aplicación moi interesante e bastante intuitiva unha vez que che acostumas a traballar con ela. Quizais os únicos problemas que apareceron á hora de realizar o traballo foron a dificultade de adaptar os carteis dos produtos audiovisuais ao espazo e condensar a información para que o texto non fose demasiado longo.

(Á hora de visualizar este mapa recomendo xogar co zoom e o desprazamento xa que hai partes que ao haber moitos símbolos non chegan a apreciarse a simple vista)