Diez deportistas por las que ver París 2024

Esta infografía busca dar visibilidade á muller no mundo dentro do deporte, en concreto dentro do panorama español. Para enfocar esta peza intentei tomar o papel da área de comunicación de COE (Comité Olímpico Español) polo que nun primeiro momento fixera uso, como fondo da miña infografía, da cor amarela e para o título o vermello, simulando as súas cores corporativas. Posteriormente esa cor foi cambiada pola representativa da competición e o titular pasou a ser negro para evitar a presenza de tantas cores distintas, xa que as partes visuais contan con moitas cores.

Comecei o traballo dende cero, non empreguei ningunha plantilla. O primeiro que fixen foi elaborar a ilustración que representase as diversas disciplinas das que ía tratar pero non acababa de encontrar o tamaño ideal para o documento no que houbese espazo para poder engadir a parte informativa. Finalmente decidín crear algo máis horizontal de que ao principio pensara para que todo puidese quedar mellor distribuído.

Foi un pouco complicada a elección de deportistas xa que hai moitos deportes (e mulleres neles) e non quería invisibilizar ningún pero creo que dez xa é un número bastante elevado, polo que tentei combinar a deportistas xa bastante coñecidas con algunhas que non o son tanto. A hora de encontrar información tamén foi un pouco complicado xa que en moitas páxinas non aparece o palmarés completo e non quería deixar ningún dato atrás.