Datos sobre a criminalidade
- alicianope
- 25 dic 2023
- 1 Min. de lectura
Na primeira gráfica escollín representar os datos de homicidios de varios países europeos e a súa evolución entre o 2000 e 2020. Incluso se temos en conta que os datos do 2020 foron afectados pola COVID, podemos observar unha tendencia negativa en case todos os países. A información é de Datosmacro.
No pop-up dos puntos engadín outra gráfica para completar a información, na que usei os datos da ONU sobre o mecanismo empregado para cometer asasinatos en Europa, América e Asia.
A segunda gráfica fíxena de crimes en España: usei os datos de asasinato consumado, tentativa de asasinato e secuestro. Escollín as 5 comunidades autónomas máis poboadas e quixen comparar os datos dos 4 trimestres de 2022. Os datos son do INE.
A parte coa que máis dificultades tiven foi a elaboración da gráfica de xerarquía porque tiña que usar un volume bastante grande de datos e decidir que crimes, comunidades e división temporal incluir. Creo que ao final os datos de asasinato (e tentativa) e secuestro foron unha boa escolla porque teñen bastante relación coa gráfica anterior, aínda que en Galicia os secuestros foron case sempre 0.
Alicia Novoa
En primeiro lugar, sinalar que nos falta a autoría dos gráficos. Ademais, tocaría mudar ese "source" por un "fonte".
O traballo cos datos é bo. No de dispersión habería certa marxe para facelos máis complexos, pero o certo é que o presentado é correcto.
No de xerarquía hai tamén un bo traballo cos datos e unha boa programación. Onde habería marxe para a revisión é na propia selección da forma gráfica. Ao contar con variables con moita presenza e outras con menos, algunhas delas son difíciles de advertir dentro deste "sunburst". Neste caso, formas como o "Treemap" poderían axudarche algo máis, facendo máis claras esas partes do conxunto de datos que son máis pequenas.