Catro décadas de radio de proximidade

O mapa localiza as diferentes emisoras de radio municipais de Galicia, tanto as que están en activo como as xa pechadas. Ademais, distingue entre as de xestión directa dos concellos e as de xestión externa e achega datos como a frecuencia de emisión, se se poden escoitar a través de internet ou a páxina web.

Entre os problemas que xurdiron, sinalar que tiven dificultades para atopar as direccións dalgunhas emisoras, polo que en varios casos me limitei a localizar o punto do mapa no municipio ao que corresponde. Outro problema tíveno coas emisoras xa pechadas, porque non tiña sentido indicar a web, por exemplo. A miña idea era incluir unha imaxe das instalacións de cada emisora, pero non foi posible atopar imaxes de moitas delas.

Algo semellante ocorreu cos logotipos das emisoras pechadas dende hai anos e que tiveron menor percorrido. A información sobre elas tomeina de libros que non incluían a imaxe do logotipo e na rede non hai nin rastro delas. Resolvín colocando o escudo de cada concello (ao seu radios municipais tampouco me pareceu que desentonase demasiado) e indicándoo debaixo.