Agricultura ecolóxica

O obxectivo desta infografía é dar a coñecer unha suposta asociación sen ánimo de lucro que vende produtos ecolóxicos para recoller fondos. O deseño que escollín está pensado para que sexa moi visual (facilitando así a súa lectura) e que chame a atención dende un punto de vista desenfadado.

O deseño é orixinal, non empecei traballando dende unha plantilla, polo que nun primeiro momento non sabía que enfoque empregar, nin que cores. Despois dun par de probas nas que obtaba por un estilo minimalista, fun consciente de que non encaixaba coa temática e decanteime polo emprego da cor verde en distintas gradacións. A partir desta primeira escolla xa comecei a buscar outras que se complementaran ben co fondo e isto converteuse noutro dos puntos aos que máis tempo lle adiquei.

Os elementos multimedia inseridos tiveron un papel relevante á hora de rematar o deseño, xa que foron guiando a xerarquía e a distribución xeral; por outra banda, a súa colocación e aliñación foi outro dos retos aos que me enfrontei nesta tarefa.