A recadación do cine español

Esta infografía reflicte os datos de recadación máis altos de películas españolas durante unha fin de semana. Interésame moito o mundo do cine e, aínda que o valor dunha obra non depende do diñeiro que consiga, si que me parece interesante poder coñecer os gustos do público a través do que escolle ver nunha sala de cine.

Comecei tendo unha idea para o deseño que ao final, segundo ía avanzando, tiven que modificar. O que si que conservei dende o principio foi a idea de poñer parte dos datos en 'tickets' para que resalten un pouco e fagan que a información non sexa tan pesada. Iso foi precisamente o que atopei máis complicado: escoller entre o gran volume de datos dispoñibles os máis relevantes para o que quería facer e logo ser capaz de amosalos dun xeito atractivo pero que non distraese. Costoume atopar unha forma de incluir todos os datos que me parecían interesantes pero que a infografía non fora moi densa.

Tamén intentei na medida do posible usar unha paleta de cores pequena aínda que segundo ía avanzando ía necesitando cambiar as cores (os seus tonos ou saturación) para resaltar unhas ou outras cousas.