A diferenza salarial en España e en Europa

Para esta práctica, fixen dous gráficos diferentes pero cunha mesma temática: o salario nos distintos lugares.

Para o gráfico “Scatter”, escollín o de salario bruto nas distintas comunidades autónomas españolas, así coma o total nacional que se pode ver arriba. Neste non tiven apenas problemas, o difícil era atopar o que expoñer e, como me gusta a economía, tíveno bastante fácil. As cores son dunha tonalidade que podemos denominar coma “cor viño” que contrasta ben co fondo pero sen chamar demasiado a atención (o header do popup é desta tonalidade). Tamén puxen un fondo que me parecía axeitado para o tema, pero sen ser demasiado distractor. Diferenciei na información o de xornada completa e xornada parcial, para encher a info do popup. A verdade é que non puxen ningunha táboa dentro del porque non me gustaba a idea de que todos tivesen a mesma, e pór unha para cada unha sería moi tedioso.

Por outra parte, no gráfico “Hierarchy” sí que tiven máis problemas. Fixen unha sobre o “risco de pobreza segundo o nivel de estudos educativos”, que me parecía que podía quedar moi completa. Ao finalizala, dinme conta de que os valores finais estaban en porcentaxe e non en valores absolutos. Busquei opcións de arreglala porque non me gustaba a idea de ter que empezar de novo, pero foi imposible; serían demasiadas contas matemáticas e a probabilidade de cometer un erro no procedemento eran moi altas.

Entón, cambiei de tema a “salario medio nos distintos países europeos”. Con cinco exemplos de países (para min, os máis relevantes) expuxen a diferencia salarial destas nacións primeiro en función do sexo e depois en función da idade (maiores ou menores de 60 anos). A busca de información foi moi complexa, xa que quería un tema de interese e este xustamente ten moitas cifras diferentes en función de onde busques a información. Despois de buscar en diferentes portais estatísticos europeos (inee.fr, pordata…) decidín darlle outra oportunidade a Eurostat, xa que aí manterían o mesmo sistema de avaliación (en Portugal e Francia puñan os datos en neto, en España en bruto, etc.). Sobre a execución pouco teño que dicir, penso que é bastante representativo (tamén tiven que realizar contas matemáticas). Escollín 5 cores ben diferenciadas e o popup penso que contén información de relevancia.