Unha viaxe polos espazos máis recónditos de Santa Comba

Santa Comba é un concello coruñés localizado na comarca do Xallas, preto da Costa da Morte. Todo o mundo que sepa algo deste municipio coñece lugares de interese como poden ser a fervenza de Castriz ou a praia fluvial de Esmorode. Así e todo, esta localidade esconde destinos recónditos e ignotos para moitas persoas. Por exemplo, seguro que hai quen descoñeza que o río Barcala, que dá nome á comarca que acolle os municipios da Baña e de Negreira, nace na capital do Xallas.

Este mapa non só inclúe zonas puramente naturais, senón que tamén mostra antigas construcións, como o castro do Hospital ou o cruceiro de Fontecada. Do mesmo xeito, engadíronse enclaves como a mina de Varilongo pola súa importancia histórica e os dous aeródromos presentes no concello. O importante do asunto é que, en tódolos casos, os puntos destacados ubícanse no rural de Santa Comba, rodeados de natureza.

Durante a realización desta práctica, o máis difícil foi atopar información sobre os lugares seleccionados. Ademais, xurdíronme dúbidas á hora de incluír, precisamente, os espazos que non eran puramente naturais. Pero, pola súa ubicación en zonas rurais ou directamente no monte, acabeinas introducindo no mapa.