Todo o que debes saber do Golden Gate

Para realizar esta infografía o que máis complicado me resultou foi a elección do tema, posto que non era capaz de visualizar ningunha das ideas que tiña para representalas visualmente. Decidín recorrer a un tema sinxelo como o é esta ponte e que ó mesmo tempo sexa recoñecible para case todo o mundo. A partir de aí, comecei a seleccionar a información que me parecía máis importante e intentei facer varios modelos de como se poderían representar visualmente cada un dos elementos.

Esta infografía é moi sinxela porque recorre a iconas simples e facilmente recoñecibles. Ademais o deseño gráfico é a parte máis importante; xa que apenas hai textos. Tratei de facer que fose o máis simple posible e que o deseño tampouco tivese demasiados elementos distractores, por iso ademais das iconas e as letras, hai moi poucas cores utilizadas.

A parte estética foi a que me resultou máis complicada porque intentei utilizar a cor representativa da ponte, pero o fondo escollido ó comezo negro, non resaltaba o suficiente a información. A cor azul non me convencía nun principio, pero era a que mellor destacaba o vermello e por ese motivo a letra tamén é escasa, porque ó ser branca a lectura é máis complicada.