Os gañadores do circuito ATP en 2022

Para esta tarefa, escollín un tema menos denso: o tenis masculino. Tiña claro que quería amosar ós gañadores e perdedores das finais dos distintos torneos que houbo no ano. Escollín os máis prestixiosos, ademais de oito títulos da categoría ATP 500 para ter 20 puntos de interese, que foron escollidos entre o resto de ATP 500 en función da cantidade de diñeiro que se obtén por ser o gañador.

Os gañadores de Grand Slam teñen a súa imaxe máis grande por ser este o torneo máis prestixioso, sendo tamaño mediano os gañadores de Masters 1000 e o máis pequeno os gañadores dos ATP 500. Ademais de indicar o lugar do torneo e o gañador, nos popups explícase o resultado de cada final, o gañador e o perdedor e unha imaxe de ambos cos respectivos trofeos (de gañador e de finalista).

Sobre as dificultades que houbo, salientar saber empregar ben as imaxes e que o tamaño fose o correcto para que non estropease o deseño. Nalgúns puntos é difícil facer que as imaxes non se superpoñan, como en París ou Londres onde hai varios puntos de interese, pero a excusa da variación do tamaño para resaltar ós torneos máis prestixiosos réstalle importancia a este problema.