O rego do noso leite

O primeiro reto á hora de formular esta infografía foi atopar un deseño que integrara o conxunto da información e que ademais, estivera relacionado coa temática. Nese sentido a fórmula que serve de fío condutor entre os datos é a simulación dun cartón de leite, que leva integrados elementos característicos como un selo co nome da gandería ou un código de barras aproveitado para incluír a autoría.

Unha vez determinado o fondo, o seguinte desafío foi conseguir unha traxectoria para situar cada un dos pasos do proceso, pois ningún dos elementos ofrecidos por Canva se adaptaba ao meu deseño. En consecuencia, foi necesario crear a traxectoria a partir dun só elemento que fun repetindo e adaptando ás necesidades.

Finalmente e logo de engadir toda a información quedaron espazos baleiros nos que decidín incluír datos do proceso a través dunha tipografía que encadrara coa fórmula do cartón de leite, o que supuxo modificar tamén a tipografía do encabezado.