Hai tanta presenza da educación privada en España?
- Aarón González
- 4 nov 2022
- 1 Min. de lectura
O obxectivo desta práctica é reflexar, empregando tres gráficos distintos, unha serie de datos estatísticos sobre a educación, especificamente sobre o número de centros públicos e privados que imparten o bacherelato nas provincias españolas, con especial interese nas comunidades autónomas con linguas cooficiais. A fonte de datos empregada foi o Registro estatal de centros docentes no universitarios (polo que estiven vendo, á hora de buscar información non hai demasiada facilidade para acceder a ela), onde o criterio empregado foi seleccionar todo aquel centro privado ou púclico que impartira o bacherelato na modalidade diurna.
Con respecto a elaboración do contido, o que levou máis tempo obviamente foi procesar e seleccionar os datos que realmente interesaban e o enfoque que lles daría segundo o tipo de gráfico. Outros aspectos tamén foron elixir correctamente a paleta de cores (que non tivera demasiado contraste) nos tres formatos ou, no referido á elaboración do deseño, xogar coas múltiples posibilidades que ofrece Datawrapper.
Ligazón datos do Registro estatal de centros docentes no universitarios
En termos de traballo e presentación dos datos os tres traballos están ben resoltos. As formas empregadas son, ademais, pertinentes para o que se busca trasladar.
No mapa habería que revisar o sistema empregado para a escala, existindo dúas opcións. Por un lado estaría a de facela lineal pero, se queremos conservar a de intervalos, sería máis efectivo facelos regulares, tendo a mesma distancia entre as cifras de cada un dos rangos. Polo demais, a escala de cor é boa e tamén hai un moi bo traballo de edición das ventás emerxentes.
No gráfico poderían asaltarnos dúbidas de se engadir ou non os totais, pero este é un caso de traballo con unidades no que si que se pode soster…