As 10 aprendizaxes capitais de Diluvio

O obxectivo inicial desta infografía era representar de forma clara e concisa, nun único lugar, os 12 temas que compoñen o álbum Diluvio, do grupo galego Tanxugueiras. Este disco baséase en 10 pecados capitais, que as pandeireteiras transforman en 10 aprendizaxes capitais. A estes engádense dúas cancións instrumentais, unha dá entrada ao Diluvio e a outra outorga calma ao final.

Optouse por un deseño (elaborado dende cero en Infogram, con inspiración doutras infografías) que parte dun disco de onde saen os diferentes temas que compoñen o álbum e unha breve explicación do significado de cada un. Nun principio contemplouse a opción de insertar os videoclips de YouTube dos diferentes temas. Con todo, finalmente descartouse xa que na visualización final a icona de play do vídeo era demasiado grande e entorpecía a visualización.

Por tanto, optouse pola inserción das carátulas dos temas do disco que contan con videoclip e ao seu carón unha icona para acceder aos mesmos en YouTube. Os temas Arica, Sorora e Terra tamén teñen portadas, pero debido á falta de espazo e á ausiencia de vídeo musical non se inseriron as súas portadas.

As liñas e os números dos temas van guiando a lectura desta peza, na que se distinguen tonalidades negras e azuis, fundamentais na portada de Diluvio.