Para esta segunda práctica quixen facer un percorrido por algunhas das árbores senlleiras que se atopan na provincia de Lugo a partir da catalogación da Xunta de Galicia. Como no meu caso as iconas ían ser todas iguais, quixen establecer as diferenzas entre as distintas variedades a través da cor dos símbolos. Para iso, busquei a cor exacta para cada unha das especies arbóreas mediante a ferramenta Adobe Color tomando como referencia unha imaxe da folla. Tamén empreguei un convertor en liña para que as fotografías tiveran o mesmo tamaño.
A principal dificultade foi intentar incorporar elementos máis aló dos puntos xeográficos que considero que eran os que máis se adaptaban á temática. Finalmente, o que fixen foi usar a ferramenta polígono para destacas zonas con formacións senlleiras e a liña para unir árbores da mesma especie. Por outra banda, supúxome unha certa complexidade atopar as coordenadas exactas de moitas variedades xa que só aparecían nunha guía elaborada pola Xunta e esta só contiña aquelas que levaban xa tempo categorizadas. Ademais, o proceso tamén se alongou porque tiven que usar un conversor de coordenadas.
En canto ás limitacións, como o límite eran 12 imaxes, non puiden acompañar cada un dos puntos do mapa cunha fotografía para se puidese visualizar cada especie.
Fontes:
Ben resolto no plano do contido. Había certo risco de meter demasiada literatura nalgunhas das tarxetas, mais consegues dar a medida xusta en cada unha delas. Ademais, o feito de levarnos a recursos visuais como vídeos de YouTube amplía moito o camiño deste mapa.
Ben organizado tamén na parte dereita a través do mapa, pois serve para crear unha experiencia única e particular para cada persoa. A cor está moi ben utilizada tamén, pois serve para entender que nos puntos sinalados con cada tonalidade hai elementos similares e, á súa vez, diferentes aos sinalados noutras. Dentro do que nos deixaba facer esta ferramenta hai que dicir que é un traballo moi completo.