Para a primeira práctica, decidín realizar unha infografía que informase sobre aqueles lugares de interese para as persoas que decidan visitar a cidade de Lugo, que consta dun patrimonio cultural e artístico moi destacable. Está enfocada en seis lugares considerados de visita obrigada na cidade amurallada, ademais de indicar a súa localización a través de ligazóns nas iconas.
Pretende ser unha infografía moi visual, que suscite o interese do visitante e para que tamén poida aprender un pouco máis sobre a historia da capital lucense, ademais de permitirlle localizar os diferentes lugares e monumentos dunha maneira fácil e rápida.
Algúns dos problemas aos que me tiven que enfrontar na súa realización foi a escolla dos lugares e a síntese da información a destacar de cada un deles, xa que non pretendía cargar a infografía con moitos datos. Por outra banda, a escolla das fotografías tamén me resultou un problema en certos casos, xa que dalgúns monumentos non abundan as fotografías de boa calidade na rede.
Ligazón á infografía: https://create.piktochart.com/output/56252047-seis-lugares-imprescindibles-en-lugo
Pois realmente non hai moito que dicir, porque con este traballo logras exprimir ao máximo as opcións (limitadas, como sabemos) que nos dá Piktochart dun xeito moi claro e eficiente.
Había o risco de caer no uso de demasiado texto e consegues libralo perfectamente. Ademais, os destacados que empregas axudan a quedarnos coa idea inicial de cada un dos recunchos dos que falas, o que se ve ampliado a través do hipertexto nalgúns casos e de mandarnos a Google Maps para que marquemos ese lugar se nos interesa visitalo.
En termos de estrutura, cores e obxectos empregados, máis do mesmo. Todo funciona ben de xeito individual (nos bloques que conforman cada un dos espazos a visitar) e tamén no conxunto.