Proxeccións de poboación en 2035 en España e Europa

Para esta práctica 4 escollin un tema relacionado coa demografía, neste caso coas proxeccións de cal será a poboación en España e Europa en 2035. Escollín este tema xa que me parece interesante coñecer cal será o futuro da poboación europea, ao tratarse dun continente envellecido e cun alto nivel de migracións. Escollín 2035 como data da proxección porque era a data máis lonxana que tiña datos por provincias na base de datos do Instituto Nacional de Estatística, ademáis de que é unha data que non se sitúa nin moi próxima nin nun futuro moi cercano, o que permite que as proxeccións sexan máis axustadas á realidade actual.

Para a elaboración dos gráficos escollín as bases de datos do Instituto Nacional de Estatística e de Eurostat, as cales tiñan dispoñibles unha ampla gama de cifras. No canto á escolla dos gráficos, a parte dos obrigatorios (dispersión e xerarquía), decidín escoller un mapa, que se axusta de forma correcta ao tipo de datos cos que traballei. Os datos extraídos das bases de datos foron os seguintes:

Do INE, para os datos de proxección de poboación por provincias en España e procedencia dos habitantes:

INE - Proxeccións de poboación en 2035 por provincias

.xls

Descargar XLS • 17KB

De Eurostat, para os datos de proxección de poboación por países en Europa:

Eurostat - Proxeccións de poboación en 2035 por países

.xlsx

Descargar XLSX • 13KB

De ambas bases de datos tiven que pulir os datos, xa que algúns non eran necesarios e non se podían excluír directamente na pantalla de selección antes da descarga dos mesmos. Tamén tiven que pasar os datos manualmente a algunhas das visualizacións, xa que non recoñecía o formato de número por máis que tentaba fedellar na pestana de "number styles". Noutro caso pasei eu os datos manualmente a outra táboa para facer os cálculos en Excel correspondentes aos cambios porcentuais da poboación entre 2020-21 e 2035.

Ademáis deses datos, tamén extraín do INE os datos de poboación actuais por provincias (que en Eurostat viñan na mesma táboa) para facer as comparacións, así coma utilicei a páxina Worldometers para obter os datos de poboación dos países europeos dos cales Eurostat non dispoñía de datos.

No apartado estético, decidín optar pola cor verde xa que se trata dunha cor que non é intrusiva nin demasiado forte, e que ten un carácter neutro-positivo, para o mapa e o gráfico de dispersión. Para o gráfico de xerarquía escollín unha das paletas predeterminadas de Flourish que ofrecía cores distintas pero con tonalidades e brillos similares para que non destacase ningunha sobre outra. Por outro lado fixen un uso bastante extensivo dos popups, xa que non quería amontoar demasiada información na primeira visualización, deixando que esta ofreza soamente o básico e que logo os popups engadan a información necesaria se o usuario quere saber máis (coma a poboación actual ou o cambio porcentual entre ambos sets de datos, coma no meu caso).

Como ferramenta, Flourish non me pareceu complicada de usar, xa que é bastante intuitiva e en certos aspectos similar a outras ferramentas previamente utilizadas coma Datawrapper. É especialmente destacable o amplo nivel de opcións de visualizacións e gráficos que ofrece, así coma de formas de editar os datos e posibilidades de personalización. Quizáis hai apartados que son un pouco máis complicados para usuarios primeirizos coma nós, pero que non dubido que se poderían dominar con máis práctica. Sí que tiven problemas en ocasións ao engadir os datos á táboa de Flourish, mais penso que foi un fallo máis persoal/do formato dos números nas bases de datos que da propia aplicación. En xeral penso que non tiven maior problema de usabilidade ou fallos a parte deses detalles xa comentados e que acadei un resultado máis ou menos acorde co que tiña na miña cabeza ao iniciar este proxecto.