Para esta segunda actividade decidín situar nun mapa mundial as localizacións nas que Denis Villeneuve grabou ás súas películas. Desta forma, este mapa segue de forma cronolóxica a filmografía do director quebequense facendo fincapé na evolución mediática que tivo nestes anos, pasando de lugares próximos nos seus primeiros filmes a localizacións no outro lado do charco conforme a escala das cintas aumenta.
A maior dificultade da actividade é a limitación de imaxes que ten a páxina en cuestión. O percorrido que eu tiña en mente baseábase nunha viaxe xeográfica e visual polos puntos de rodaxe, pero coma non se poden incluír tantas fotografías optei por reducilas a unha por filme, para que non quedara descompensado. De todas formas, a intención era que cada punto tivera unha. A dificultade de engadir inconas propias tamén limitou a orixinalidade, porque ós tres elementos xa non deixa gardar. Aínda así, dentro dos que xa había busquei os que máis se adaptaban á imaxinería dos filmes, cousa que ó final quedou bastante lograda. As cores corresponden ás paletas coas que se asocian as cintas.
Xa para rematar, aclarar o tipo de mapa escollido. A elección do que marca as rúas é polo simple feito de que moitos dos puntos son tan concretos que inclúen o nome das propias rúas. E que mellor forma de plasmalo que con este estilo de mapa.
Pois para o que nos ofrece a ferramenta está moi ben resolto o traballo. Un dos retos que tiñas era a propia organizacion do contido pero esa mestura de cor + iconas + organización do menú funciona perfectamente e permite a distinción por películas.
Onde nos quedaría un chisco de oco para a mellora? Pois especialmente no plano do contido. Aínda que non en todas, podería axudar dar unha descrición un chisco máis amplas nalgunhas das tarxetas. Ademais, quedaría por explorar como podería axudar o hipertexto neste traballo, pois empregalo sería de utilidade á hora de ampliar esta información ou levarnos a outro tipo de recursos fóra do mapa.