Neste traballo intento dar unha perspectiva xeral das taxas de desemprego por idades e por comunidades autónomas neste país, rematando co dato máis grave: o paro en menores de 25 anos. Para a recabación dos datos empreguei como fonte un conxunto do INE, no que viñan os datos por trimestres, por comunidades autónomas, por sexos e por idades. Para facer a limpeza, tiven que realizar un primeiro filtro dentro da páxina do propio INE, debido a que o gran volume de datos era inabarcable para descargalos en bruto.
Dentro da ferramenta de Datawrapper atopeime con algunhas complicacións á hora de cambiar as táboas de inserción de datos e os tipos de unidades, polo que lle dediquei bastante tempo a resolver estes pequenos detalles.
Datos limpos:
Pois hai moi pouquiño que dicir en termos de mellora para estes materiais. Nin que dicir ten que funcionarían perfectamente nunha información sobre esta temática e que a nivel visual hai unha consonancia entre os tres.
Ai algúns detalliños que tocaría revisar como parte dese proceso de afinado final antes de publicar, iso si. Un deles sería engadir o "%" ás cifras da lenda no mapa. Así xa deixamos claro que o rango co que estamos traballando é de porcentaxes (independentemente de que xa nos saian nas ventás emerxentes). Outro aspecto é o do idioma das visualizacións, pois no mapa consérvase o inglés orixinal da plantilla. Trátase dun aspecto menor, pero ao que tamén temos que prestarlle atención cando temos…