Mapa interactivo: Compostela, unha cidade de película

Para esta segunda práctica, decidín escoller un tema que sempre me gustou moito e que nun principio semellaba fácil de situar nun mapa: as rodaxes de películas realizadas en Santiago de Compostela. Equivoqueime; foi un inferno. Como basicamente colecciono plataformas de VOD, non tiven problema en facerme con ningunha das películas antigas; para as máis novas, foi un pouco máis complicado, pero unha ten os seus métodos.

O problema chegou á hora de descifrar varios lugares de Compostela no que foran gravadas. Interiores de bares, casas ou restaurantes inlocalizables a simple vista, que non figuraban nos títulos de crédito e dos que a prensa non deu conta no seu momento. Alén a Film Commission da cidade carece de datos concretos de rodaxes previas a 2002. Por non falar daqueles sitios que están radicalmente cambiados a día de hoxe —coma o parque de Vista Alegre— ou que simplemente xa non existen. Por sorte, conseguín saír adiante a miña experiencia de nativa compostelá, o Google Maps e comunicación directa coa Concellería de Urbanismo.

Por outra banda, tiven outros catro problemas respecto á visualización:

1. O afastados que están dous puntos con respecto aos demais, pero que consideraba demasiado elevantes para eliminalos.

2. O solapamento de dous puntos nun mesmo edificio —a Casa da Troia—, que solucionei afastándoos canto puiden sen que perdesen a coherencia.

3. A inexistente utilidade que lle atopei aos ítems poliganais, que acabaron caendo en localizacións nas que, de non ser polos requisitos da terefa, terían sido puntos.

4. As cores carecen de sentido máis alá da diferenciación dos diferentes ítems, pois dada a pequena escala do mapa, unha categorización cromática da tipoloxía dos lugares pareceume que levaría á confusión e a difuminación dos puntos.