As defuncións por SIDA entre 1995 e 2020

Para esta terceira práctica traballei cos datos de defuncións por SIDA facilitados polo INE (Instituto Nacional de Estatística). Na táboa fixen unha comparativa entre as cifras de 1995, o ano no que máis defuncións rexistrou o país, e as de 2020, as últimas recollidas pola institución. No caso do mapa, empreguei unicamente os datos de 2020 por ser os máis interesantes para a actualidade. Porén, no caso da gráfica introducín os de 1995, pois, ademais da distinción por comunidades autónomas, traballei coas cifras de mortes de homes e mulleres. Nese ano a diferencia entre sexos era máis significante que na actualidade; de aí a escolla.

Utilicei para a elaboración de todos os materiais a mesma táboa de datos, que adaptei en función da visualización que quería crear para cada caso, xa explicadas.

datos_defunciones_sida.xls

Descargar XLS • 24KB

Ligazón aos datos do INE: "Defunciones según la causa de muerte"

Custoume tomar unha decisión respecto a que variables empregar: o INE ofrece as cifras clasificados por anos, por comunidades autónomas, por idades e por sexos. Finalmente, decidín descartar a división por idades; preferín empregar os datos restantes (por anos, comunidades autónomas e sexos) para a práctica pola súa maior relevancia no SIDA, ao meu parecer. Por exemplo, é interesante observar que en 1995 nalgunhas comunidades autónomas o número de defuncións en homes é notablemente maior, probablemente motivado pola vinculación da enfermidade cos homes homosexuais naquel momento. No caso da evolución anual das defuncións, comprobei primeiro tódolos datos para saber se debía filtralos; así foi como me decatei de que en 1995 se alcanzou o pico de mortes.