Para esta terceira práctica decidín tratar unha cuestión que con frecuencia pasa por debaixo do radar: os accidentes laborais en Galicia. Escollín os últimos datos dispoñibles a este respecto no Instituto Galego de Estatística, correspondentes ao ano 2019. Os datos están divididos por comarcas, dada a importancia desta división territorial no ámbito galego.
Nesta folla de cálculo están dispoñibles todos os datos, en bruto e limpos, cos que traballei nesta práctica:
O maior problema co que me topei foi a miña escolla das comarcas como unidade xeográfica na que desenvolver a tarefa. Este problema apareceu á hora de realizar o mapa, xa que a ferramenta Datawrapper non permite a división por comarcas, senón por concellos. A forma de adaptar estas táboas por comarcas ao mapa foi escollendo a capital ou vila/cidade máis representativa da comarca como "representante" dela. Esta escolla descartou a posibilidade de realizar un mapa coroplético, quedando só a opción do mapa de burbullas.
Finalmente ese problema púidose solventar e a realización das outras dúas pezas foi moito máis liviá. A única diferencia deste mapa respecto do gráfico e da táboa é a visualización dos datos totais, xa que nestas dúas anteriores aparecen tamén divididos por gravidade (leves, graves e mortais).
Velaquí o traballo realizado:
O tratamento dos datos e a presentación no seu conxunto é, dende logo, acertada. Por aí nada que dicir. O gráfico e a táboa están conseguidos ao 100% e non hai moito espazo para a mellora dentro das opcións que nos ofrece Datawrapper.
Onde nos quedou por apretar un chisco máis o acelerador é no mapa. Vendo que che sobrou tempo á hora de realizalo, é unha mágoa que non explorases a opción de engadir unha columna máis cos datos dos accidentes en cada unha desas comarcas e que non foses á opción de descricións emerxentes na pestana "Annotate". Aí poderías modificar esas ventás para incluír nelas os datos relativos ao número de accidentes (tanto os totais como os graves,…